KAPTORI
منصة تسليم الصور للمصوّرين

صورك أمانة،
سلّمها بمعرض ما يفتحه غير زبونك.

KAPTORI يحمي شغلك من لحظة التسليم: رمز خاص، حد للأجهزة، سجل لكل دخول، وعلامة مائية ما تنشال إلا من يوصلك المبلغ.

  • الزبون بدون تطبيق ولا حساب
  • الرمز يوصل على الواتساب
  • صور وفيديو بجودة عالية
المشكلة

التسليم الحالي ما يحمي أحد

تعبت على الجلسة أيام، وبالآخر تسلّمها برابط عام أو على الواتساب.

01

الجودة تروح

الواتساب والتليغرام يضغطون الصور، والزبون يشوف شغلك بأقل من مستواه.

02

الرابط ينتشر

رابط كوكل درايف يوصل لأي واحد، وما تعرف منو فتحه ولا منو نزّل الصور.

03

الصور قبل الفلوس

الزبون ياخذ الصور كاملة، وبعدها تبدي تلاحك على باقي المبلغ.

منظومة الحماية

6 طبقات حماية لكل معرض

كل طبقة تشتغل تلقائياً. إنت بس تختار الإعدادات مرة وحدة وقت تسوي المشروع.

01

رابط خاص لكل زبون

كل معرض إله رابط فريد ما ينعرف ولا ينبحث عنه، ومحجوب عن محركات البحث.

02

رمز من 6 أرقام

الرمز يوصل للزبون برسالة منفصلة على الواتساب. الرابط لوحده ما يفتح شي.

03
ميزة نادرة

حد للأجهزة من 1 إلى 5

تحدد كم جهاز يفتح المعرض. أي جهاز زايد ينرفض، وتوصلك عنه تنبيه.

04
ميزة نادرة

سجل لكل دخول

تشوف منو فتح المعرض، ومتى، ومن أي جهاز، وكل محاولة انرفضت.

05

علامة مائية لحد الدفع

الصور تبين بالعلامة المائية، وتنشال بضغطة وحدة من تأكد إنه وصلك المبلغ.

06

حذف تلقائي

تختار عمر المعرض: 7 أيام، 14، 30 أو 60 يوم. بعدها ينحذف لحاله وما يبقى أثر.

طريقة العمل

بسيط إلك، وأبسط لزبونك

تسوي المعرض بأقل من دقيقة، والزبون يفتحه من أي تلفون بدون ما ينزّل شي.

المصوّر إنت

  1. سوّي مشروع

    اسم المناسبة، اسم الزبون ورقم تلفونه.

  2. اختار الحماية

    عمر المعرض، عدد الأجهزة، التحميل، والعلامة المائية.

  3. ارفع الصور والفيديو

    واضغط إرسال، والرمز يوصل للزبون برسالة منفصلة.

  4. تابع من لوحتك

    حالة كل معرض، شنو اختار الزبون، ومنو حاول يدخل.

الزبون بدون تطبيق · بدون حساب

  1. يفتح الرابط

    من الواتساب مباشرة، على أي تلفون أو كمبيوتر.

  2. يدخّل الرمز

    6 أرقام وصلته برسالة، والمعرض ينفتح على جهازه.

  3. يتصفح ويختار

    يأشّر بالقلب على الصور اللي يريدها للألبوم.

  4. يرسل اختياره

    بضغطة وحدة، ويحمّل صوره من تفتح إنت التحميل.

ليش KAPTORI

الفرق واضح

الميزةKAPTORIواتساب / تليغرامكوكل درايف
جودة عالية بدون ضغط الواتساب✓✗ تنضغط✓
رمز دخول منفصل✓✗✗
حد لعدد الأجهزة✓ 1 إلى 5✗✗
تعرف منو فتح✓ سجل كامل✗✗
التحميل بعد الدفع✓✗✗
الزبون يختار صور الألبوم✓✗✗
ينحذف تلقائياً✓✗✗
واجهة عربية بالكامل✓✓✓
أسئلة

أسئلة تتكرر

هل الزبون يحتاج ينزّل تطبيق أو يسوي حساب؟

لا. يفتح الرابط من الواتساب، يدخّل الرمز، والمعرض ينفتح بالمتصفح على تلفونه مباشرة.

شنو يصير إذا الزبون دز الرابط لغيره؟

الرابط لوحده ما يفتح شي، يحتاج الرمز. وحتى لو انطى الرمز، المعرض يشتغل بس على عدد الأجهزة اللي إنت حددته، وأي جهاز زايد ينرفض وتوصلك عنه تنبيه.

هل الصور تنضغط وتخسر جودتها؟

لا. الزبون يحمّل الصور بجودة عالية، مو مثل الواتساب اللي يضغطها.

أگدر أرفع فيديو؟

إي، تگدر ترفع صور وفيديو بنفس المعرض.

بكم الاشتراك؟

KAPTORI هسه بالنسخة التجريبية، وتگدر تبدي مجاناً بمساحة 10 GB.

وين تنحفظ الصور؟

الصور تنحفظ بمخزن سحابي خاص ومشفّر، ما ينفتح إلا من خلال المعرض، وتنحذف تلقائياً بعد المدة اللي تختارها.

صورك، خصوصيتك، وتحكمك الكامل.

سوّي حسابك وسلّم أول معرض اليوم.